စပ်ကူးမပ်ကူးအကြောင်း

(၁)

                   အပြောင်းအလဲဟာ ရှိသမျှ မသိတသိတွေကို ညမနက်စာ စားလို့၊

                   မရှိတရှိတွေနဲ့ မော်ကြ ကြွားကြ၊

                   အချိန်အခါကလည်း စပ်ကူးမပ်ကူးကာလ ဆိုတော့-------

          လက်စမသတ်နိုင်သေးသော ရေးလက်စ ကဗျာစာသားလေးများကို တစိမ့်စိမ့်ပြန်ဖတ်ရင်း အတွေးခြေရာ ကောက်နေမိသည်။ အထူးသဖြင့် စပ်ကူး မပ်ကူးဆိုသော အသုံးအနှုံးကို  တစ်လုံး 

ချင်း ဆ၀ါးနေမိခြင်းဖြစ်ပါသည်။ စပ် -သည် ပေါင်းစပ်ခြင်း၊ကူး- သည် တစ်နေရာမှ တစ်နေရာ သို့

ရွေ့ပြောင်းခြင်း၊မပ်- သည် တည့်မတ်ပေးခြင်း   ။ အချင်းချင်း ပေါင်းစပ်ညှိနှိုင်း၍ တစ်ဦးကိုတစ်ဦး

ထ်ိမ်းမပ်ကြပါသော မှန်မှန်ကန်ကန်အကူးအပြောင်းသဘောကို စပ်ကူး မပ်ကူး ဟု    သုံးစွဲခဲ့ခြင်း

လား။စပ်ကူးမတ်ကူးဟု ဘာကြောင့်ရေးထုံးသတ်ပုံ မပြုခဲ့ပါသလဲ။

          မတ်၏အဓိပ္ပါယ်သည်ဖြောင့်မတ်တည့်မှန်ခြင်းသဘောဖြစ်၍ ကိုယ်တိုင် တည့်မတ်ပြီး

အခြေအနေဟုဆိုနိုင်ပါသည်။ မပ် ကား ထိုသို့မဟုတ်။မတည့်မမတ်သေးသူကို တည့်အောင်မတ်

အောင်ထိမ်းပေး မပ်ပေးခြင်းဖြစ်ပါသည်။ စပ်ပြီးမပ်ပြီးမှ ကူးကြပြောင်းကြဆိုလေသလား။ တည့်ပြီးမတ်ပြီးသူများသည် အချင်းချင်းပေါင်းစပ်ကူးပြောင်းရန်မလိုသည့် အဓိပ္ပါယ်တော့မဟုတ

တန်ရာ။ဖြစ်ခြင်းဖြစ၊် တည့်ပြီးမတ်ပြီးသူ အရေအတွက်သည် စုရန်စပ်ရန်ဦးရေအထိ  မရှိနိုင်ခြင်း ဖြစ်ပါမည်။  သို့မဟုတ် လက်ချိုးရေနိုင်လောက်သည့် ထိုတည့်ပြီးမတ်ပြီးသူက ဦးဆောင်ဦးရွက်

ပြု၍ စပ်ပေး မပ်ပေးခြင်းဖြင့် ကူးစေပြောင်းစေချင်သည့် အဓိပ္ပါယ်လား။

(၂)

          အပြောင်းအလဲ၏ သဘောသဘာဝသည် ဆိုးရာမှ သင့်မည် ကောင်းမည်ထင်သောအရာ

သို့ရွေ့ခြင်း၊တနည်းအားဖြင့် လက်ရှိအနေအထားမှ ပိုမို ကျေနပ်မှု ရရှိစေမည့်အနေအထားသို့  ရွေ့ခြင်း ဟု ကျွန်တော် ကောက်ယူနားလည်ထားပါသည်။အပြောင်းအလဲမှန်လျင် ရမ်းတတ်ကြမ်းတတ်သည့်သဘာဝရှိသည်။အင်အားချိန်ခွင်သဘောတွေလည်း သက်ရောက်တတ်

သည်။အကျိုးထက် အပြစ်အနာလည်းများချင်များတတ်သည်။

          နီုင်ငံရေး၊စီးပွားရေးရာတွင် တည်ငြိမ်မှုရှိနေပါပြီဆိုသော အမေရိကန်လိုနိုင်ငံမျိုးမှာပင်

အပြောင်းအလဲတွေကို ပြည်သူက အငမ်းမရ ဆာလောင်လိုအပ်ဆဲ။ခေါင်းဆောင်သူကလည်း ကြံစည်ဦးဆောင် ပြောင်းလဲစမြဲ။မညီမမျှတွေပေါ်လာကြသည်။ အကြမ်းအရမ်းတွေလည်း ဖြစ်ခဲ့ကြသည်။လူထုကလည်း လူမျိုး၊ဘာသာ၊ပညာ၊ကျန်းမာ ထောင့်ပေါင်းစုံမှ လိုအပ်ချက်

ပြုပြင်ပြောင်းလဲမှုတွေက်ုတောင်းဆိုမြဲ။ပြည့်နိုင၊်ဝနိုင်သည်ကိုမရှိ။ ပို၍ပို၍ ကောင်းမွန်ပြည့်စုံမည်        ထင်ရာဆီသို့ ရွေ့နေပြောင်းနေကြ   သည်ဟုဆိုရပါမည်။ထိုသို့ အပြောင်းအလဲတွေရှိနေလေသ

မျှ၊ စပ်ကူးမပ်ကူး ကာလတွေက အရေးပါအရာရောက်နေပါဦးမည်။ စပ်ကူး မပ်ကူးကာလ အတွင်း အစီအမံကောင်းလျင် ကောင်းသလို ခရီးရောက်မည် ။စပ်ကူးမပ်ကူးကာလတွင် ပါဝင်ကြပါသော ပလေယာ များ၏ အရည်အသွေးမြင့်လျင်မြင့်သလို၊ အပြောင်းအလဲတွေမြန်မည်။တင့်မည်။   

ပလေယာများအပေါ်မူတည်၍  စပ်ကူးမပ်ကူးကာလသည် တိုက်ပွဲတစ်ခုလည်းဖြစ်သွားတတ် သည်။ထိုသို့ဆိုလျင် ဘေးထွက်ဆိုးကျိုးများသာ အလျံပယ်ပိုင်ဆိုင်ကြရပါတော့မည်။

(၃)

          Gameဆန်သောအပြောင်းအလဲ အစီအမံများတွင် ပါဝင်ဆင်နွှဲရပါသော ပလေယာများ 

အတွက် သရေပွဲဆိုသည်မှာ လက်ခံရယူလိုသော ရလဒ်တစ်ခုမဟုတ်ပါ။အနိုင်ဆိုသော ရလဒ်တစ်ခုအတွက် နည်းနာပေါင်းစုံသုံ၍ စပ်ကူးမပ်ကူး ကာလကိုဖြတ်သန်းကြမည်။စူပါပါဝါ

သဘောတွေကျင့်သုံးလာကြမည်။ဓနနှင့် ဂုဏ်သိက္ခာအတွက် အဓမ္မနည်းလမ်းတွေ အသုံးပြုလာ

ကြမည်။သို့ဆိုလျင် သူမသာ ကိုယ်အသုဘဆိုသော ရှုံး-ရှုံးရလဒ်သာ အသားတင်ကျန်ခဲ့မည်။

နစ်နာကြေပြုန်းကြရသည်မှာ ကွင်းပြင်က ပလေယာပြည်သူများသာ။  ထို့ကြောင့် ကျွန်တော်တို့အားလုံးသည် ပလေယာများသာဖြစ်ကြသည်နှင့်အညီ အပြောင်းအလဲလိုအပ်နေ ပါသော     စပ်ကူးမပ်ကူးကာလများတွင် အချင်းချင်းပေါင်းစပ်၍ တစ်ဦးကိုတစ်ဦး ထိမ်းမပ်ပေး

ကြခြင်းဖြင့်သာ ပန်းတိုင်ရလဒ်ကောင်းကို ရကြလိမ့်မည် ဟု ကျွန်တော် တွေးဆနေမိခြင်းဖြစ်ပါသည်။

          ကွင်းလယ်ပလေယာများသည် သာ တည့်မတ်သောအရည်အသွေးရှိရမည်မဟုတ်ဘဲ

ကွင်းပြင်ပလေယာများဖြစ်သော ကျွန်တော်တို့ အားလုံးသည်လည်း မိမိကိုယ်ကို ပြုပြင်ထိမ်းမပ်

လျက် အချင်းချင်းလည်း အပြန်အလှန်ထိမ်းမပ်ပေးနေကြရပါမည်။ကိုယ်တိုင်ကလည်း သူတပါး၏ အမပ်ခံနိုင်ကြရပါမည်။ချိန်သီးတစ်လုံးလို အင်အားနှင့် လွှဲရမ်းလှုပ်ခါစေကာမူ ၉၀ဒီကရီအနေ

အထားသို့ပြန်လည်ရောက်ရှိလာသည့် တည့်မတ်ခြင်းမျိုး ကျွန်တော်တို့ ရယူ ပိုင်ဆိုင်သင့်ပါသည်။    အမှန်တကယ် မတ်ပြီးဖြစ်သော ကွင်းလယ် ပလေယာများက ဦးစီးဦးဆောင်ပြု၍ တည့်မတ်ရန်လိုအပ်နေသူများကိုပါ စုစပ်ထိမ်းမပ်ပြီး အပြောင်းအလဲ၏ရလဒ်

ကောင်းကို ကျွန်တော်တို့ ၇ယူကြရန်အချိန်တန်ပြီဖြစ်သည်ဟု ကျွန်တော် အရဲစွန့် အဆိုပြုချင်ပါသည်။

(၄)

          ကျွန်တော်သည် မိမိကိုယ်ကို တည့်မတ်အောင် ကြိုးစားနေသည့်နည်းတူ မိမိအား

တည့်မတ်ပေးနိုင်သူများကိုလည်း လက်ခံကြိုဆိုနေသူတစ်ဦးဖြစ်ပါသည်။ထို့အတူ မိမိနှင့် အလိုဆန္ဒ မည်မျှပင်ကွဲပြားနေစေကာမူ ကောင်းမွန်သောပန်းတိုင်တစ်ခုအတွက်  ပေါင်းစပ်

ဆောင်ရွက်နိုင်ရန်လည်း အသင့်အနေအထား ပြင်ဆင်ထားသူတစ်ဦးဖြစ်ပါသည်။

             ထို့အပြင်-ကျွန်တော်တို့ကို ဦးစီးဦးဆောင်လျက် ပေါင်းစပ်ထိမ်းမပ်ပေးမည့်သူ၏ ကိုယ်ရည်စိတ်သွေးကိုအကဲဖြတ်ချဥ်းကပ်တတ်ရန်လည်း ကျွန်တော် လေ့ကျင့် ထားရပါသေးသည်။

(၅)

           ကျွန်တော်သည် မိမိကိုယ်တိုင် တည့်မတ်မှုရှိ/မရှိကို ကျွန်တော့်နည်းကျွန်တော့်ဟန်ဖြစ်

သော အောက်ဖေါ်ပြပါအချက်(၃)ချက်ဖြင့် နေ့စဉ် ကိုယ့်ကိုယ်ကို တိုင်းတာ ကြည့်သူတစ်ယောက်ဖြစ်ပါသည်။ ကျွန်တော်၏နည်းနာကိုတင်ပြလိုခြင်းမဟုတ်ပါ။ ကျွန်တော် ကျင့်သုံးနေသော နည်းနာ ၏ကောင်း/ဆိုး လိုအပ်ချက်များကို အပြန်အလှန်ထိမ်းမပ်ပေးစေလို၍

တင်ပြခြင်းဖြစ်ပါသည်။၎င်းအချက်အလက်များမှာ-

(၁)ရိုးသားဖြောင့်မတ်သော ကိုယ်နှုတ်နှလုံးရှိခြင်း။

(၂)စိတ်ကောင်းစေတနာမှန်ဖြင့် အများအကျိုးကို ဆောင်ရွက်လိုခြင်း။

(၃)ဆိုင်ရာ အသိအတတ်ပညာကို မှား/မှန၊်ကောင်း/ဆိုး ခွဲခြားသုံးသပ်နိုင်ခြင်း။

          ထိုအချက်(၃)ချက်မှာ အဘွားကတစ်ဆင့်ပြောပြခဲ့ပါသော ကျွန်တော် ကြိုက်နှစ်သက်၍

လက်ခံကျင့်သုံးနေသည့် အဘိုး၏ အဘိဓမ္မာဖြစ်ပါသည်။

(၆)

          အဘိုး၏အကြောင်းကို အကျဉ်းမျှ ကျွန်တော်ပြောပြချင်ပါသေးသည်။အဘိုးသည်

၁၉၇၀ ၀န်းကျင် စပ်ကူးမပ်ကူးကာလတွင် လက်နက်ကိုင် တစ်စု၏ သတ်ဖြတ်မှုကိုခံခဲ့ရပါသော

သမာသမတ်ကျကျအုပ်ချုပ်နိုင်ခဲ့သူဆိုသည့် သက်တော်ရှည် ကျေးရွာသူကြီးတစ်ယောက် ဖြစ်ပါသည်။

လူလန်း (၂-၁၀-၂၀၁၂)